منتدي ام النور بالكشح
يشرفنا تسجيلك بالمنتدي وتنال بركة ام النور مريم
منتدي ام النور بالكشح


 
دخولدخول  الرئيسيةالرئيسية  ++البوابة++++البوابة++  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  

شاطر | 
 

 من لا يعرف املر (ريفريش)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
miko
Admin
Admin
avatar

عدد المساهمات : 352
نقاط : 944
السٌّمعَة : 1
تاريخ التسجيل : 05/08/2009
العمر : 23

مُساهمةموضوع: من لا يعرف املر (ريفريش)   الثلاثاء أكتوبر 06, 2009 7:11 am

الموضوع يختص بأمر ريفريش الذي كلنا يتعامل معه ف اليوم الواحد اكثر من مليون مره ولا احد يعلم ماذا يفعل هذا الامر او يعرف ولكن يعرف بطرقة خاطئه.

لو سألت احد يقوم بعمل ريفريش للديسك توب او لأي مكان بالجهاز او لماذا تدوس ع زر F5 هاتكون الاجابه غربيه جداااااااااااااااا. يقولك اصله بيفرفش الجهاز!!!! او بينعنش الجهاز؟؟؟!!!! او يقولك دا بيفوق الجهاز؟؟ وكمان بيخليه يحمل بسرعة. صح؟ ولا انا غلطان؟

طبعا اجابات غريبة جدًا لا تستند إلى أى سند علمي او هندسي او حتي منطقي.
إذن ماذا يفعل هذا الامر من الناحية العلميه والهندسية والفعليه, وحتى نعرف الاجابه ونفهم جيدا يجب ان نعود الى الوراء قليلا...... نرجع حوالى 12سنه ... نرجع لايام وندوز 95 لو حد فاكره او اشتغل عليه اصلاً.

ايام وندوز 95 مكانش فيه امر ريفريش اللي احنا عارفينه اصلا. ودا كان بيعمل مشاكل معانا, ومن الامثله ع المشاكل دي انك لو مثلا قمت بنسخ ملف من او إلى الديسك توب ع سبيل المثال ممكن بعد عملية النسخ ماتشوفش الملف يعني النسخ تم ومع ذلك الملف او الفولدر مش ادامك. فيه ايه فين الملف؟؟, وكانت الطريقه الوحيده للتغلب ع المشكله دي عشان الملف يظهر انك تقفل الصفحه اللي انت فيها وتفتحها تاني, لييييييييييه؟؟ لإن اي صفحه بتتفتح بيتعمل لها عمليه Load يعني تحميل واثناء عمليه الــ Load او التحميل بيظهر من تاني كل مكونات الصفحة بما فيها الملف او الفولدر اللي تم نسخه وماظهرش وبالتالي بيظهر امامنا.

وهو ده كان الحل الوحيد للمشكله ايام ويندوز95 . وكان ف نوع تاني من المشاكل إنك مثلا تحط اسطوانه ف الدرايف ومايظهرش اسمها او تخرجها وتلاقي اسمها لسه موجود. طب نعمل ايه؟ كنا بنضطر برضه لقفل الصفحه وفتحها من تاني عشان تعمل عملية الــ LOAD لمحتوياتها فبالتالي لو ف اي تغيير ف المحتويات هايظهر.

وبعدين ظهر وندوز98 ومعاه نفس المشكله. لكن مايكروسوفت حلت المشكله مع الاصدار الثاني من وندوز98 Windows 98 Second Edition انها زودت امر ريفريش ف القوائم عشان المستخدم اللي بيعاني من إن ف ملفات او عمليات بتتم ومابيظهرش تأثيرها نعمل لها ريفريش عشان تظهر وبمعني اوضح ان أمر ريفريش بيعمل عملية Reload اعادة تحميل يعني لمحتويات الصفحة.

وهو ده مربط الفرس, اظن اننا دلوقت قربنا نفهم وظيفة امر ريفريش اللي كلنا بيألف ف ايه هو!!.

المشكله الاكبر ان امر ريفريش امر مش خفيف لإن عملية اعادة تحميل محتويات الصفحة مش عملية سهلة ومع ذلك تلاحظ ان معظم الناس والجهاز مهنج او بطئ عشان بيعمل حاجه او بيفتح برنامج او بيفتح لعبه عمال يدوس ريفريش ,ريفريش , طب ليه هو الجهاز ناقص تقل. وبعدين الامر ده موجه للمنطقه اللي انت بتعمل ليها ريفريش يعني مش هايعمل حاجه مع البرنامج اللي مهنج الجهاز يعني مثلا واحد بيفتح الوورد والبرنامج بيفتح بالعافية تلاقيه عمال يدوس ريفريش ع الديسك توب , طب مال الديسك توب ومال الـ ريفريش ومال برنامج الوورد يا عم الحج.
وبعدين هو الجهاز ناقص تقل عشان تتقله اكتر بأمر إعادة تحميل محتويات الصفحة.

مشكله كبيرة جدًا وقعنا فيها بسبب معدومي الخبرة من مدعي المعرفة بأمور الكمبيوتر والناس مظلومه مش فاهمه وكله مشي وراهم.
الرجاء من كل من قرأ هذا الموضوع أن ينشر المعلومه حتى تعم الفائده.........تحياتى بيشوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://om-elnoor.ibda3.org
 
من لا يعرف املر (ريفريش)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي ام النور بالكشح :: منتدي البرامج-
انتقل الى: